Me armë në brez dhe municion luftarak, si u kap i riu në Kamëz

Sinjalizimi i policisë nga qytetarët ka çuar në pranga një 26 vjeçar në Kamzë, i cili mbante armë pa leje. I riuë shtë kapur në rrugën “Demokracia” përmes operacionit “Manreka”.

Pas arrestimit, të riut i është kapur një armë zjarri dhe fishekë.

“Bazuar në këto informacione është organizuar, zhvilluar dhe finalizuar operacioni policor i koduar “Manreka”, si rezultat i të cilit u bë e mundur kapja dhe arrestimi në flagrancë i shtetasit G. SH., 26 vjeç, banues në Tiranë”, njofton policia.

Njoftimi i plotë

Policia godet një tjetër rast të armëmbatjes pa leje.

Finalizohet nga Komisariati i Policisë Nr. 5, operacioni policor “Manreka”.

Qarkullonte me armë zjarri me vete, vihet në pranga 26-vjeçari.

Sekuestrohet një armë zjarri pistoletë dhe municion luftarak.

Në vijim të punës për rritjen e parametrave të sigurisë, si rezultat i kontrolleve të shtuara për kapjen e personave në kërkim dhe atyre që qarkullojnë me armë zjarri me vete, shërbimet e Komisariatit të Policisë Nr. 5 kanë marrë informacioneve në rrugë operative se në Bathore, në rrugën “Demokracia”, një shtetas qarkullonte në orët e pasdites duke mbajtur me vete armë zjarri.

Bazuar në këto informacione është organizuar, zhvilluar dhe finalizuar operacioni policor i koduar “Manreka”, si rezultat i të cilit u bë e mundur kapja dhe arrestimi në flagrancë i shtetasit G. SH., 26 vjeç, banues në Tiranë.

Gjatë kontrollit fizik, shtetasit G. Sh. i është gjetur në trup (në brez), një armë zjarri pistoletë dhe një krehër me 8 fishekë, të cilët u sekuestruan në cilësinë e provës materiale.

Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.