Mbi 2 milion të infektuar dhe 140 mijë viktima, si është bilanci në botë nga Covid-19

Bilanci i viktimave dhe i të infektuarve nga Covid-19 në botë është rritur ndjeshëm.

Kështu numri i viktimave të koronavirusit në botë ka tejkaluar 140 mijë, duke arritur në numrin e frikshëm prej 140,773.

Bilanci u bë nga Universiteti Johns Hopkins, sipas të cilit në renditjen e trishtuar, Shtetet e Bashkuara janë të parat me 33 mijë vdekje, të ndjekur nga Italia dhe Spanja (mbi 19 mijë vdekje).

Në total, ka 2,101,164 raste të infektuar me Covid-19.

753 persona të tjerë kanë vdekur në Francë në 24 orët e kaluara, duke e çuar numrin e vdekjeve në 17.920. Në total, autoritetet franceze raportuan se 31.305 persona ishin shtruar në spital.

Numri i vdekjeve të koronavirusit të regjistruar në spitalet në Mbretërinë e Bashkuar në 24 orët e fundit, ishin 861Kjo konfirmohet nga të dhënat e publikuara nga Departamenti i Shëndetësisë, duke e çuar numrin e regjistruar në vend në 13.839 viktima. Ndërkohë, infeksionet tejkalojnë 103 mijë, me një kurbë rritje të qëndrueshme.

Numri i njerëzve që humbën jetën në Spanjë brenda një dite nga koronavirusi rritet me 551, i barabartë me më pak se 3%, duke e çuar totalin në 19.130. Rastet e konfirmuara të infeksionit u rritën gjithashtu, me +5,183 ose 2%, në 182.816, më pak se 3% një ditë më parë.

Belgjika bëhet vendi i parë në Europë me më shumë viktima, në raport me numrin e popullsisë, duke kaluar edhe Spanjën. Në 24 orët e fundit u raportuan 417 viktima, duke e çuar numrin total në 4857. Për një vend me 11.5 milion banorë, kjo do të thotë një mesatare prej 419 viktima për 1 milion banorë.