Kujdes nëse doni të udhëtoni drejt Greqisë, sërish radhë në Kapshticë

Edhe sot, kuotës prej 300 personash për të kaluar në pikën kufitare të Kapshticës po i afrohet fundit, ndërsa radha e emigrantëve për të kaluar drejt Greqisë është e gjatë.

Kalimi në kufi ka nisur nga pala greke në orën 06:00, ndërsa të parët që kanë hyrë kanë qenë ata emigrantët që kanë mbetur të bllokuar nga një ditë më parë.

Emigrantët kanë kaluar natën në radhë dhe kalimi i tyre është bërë i mundur vetëm mëngjesin e sotëm pas orës 06:00.

Gjithashtu ka një numër të lartë emigrantësh që janë shtuar në radhë ditën e sotme me shpresën se mund të kalojën ende pa u plotësuar kuota ditore. Janë të shumtë emigrantët që po kthehen pas nga pala shqiptare pasi leja e udhëtimit të tyre e kanë fotokopje dhe jo me bar kod nga agjencitë.