Një familje në Rrushkull të Durrësit jeton në kushte mjerane që kur kryefamiljari i dha fund jetës. Kushtet e rënda ekonomike e detyruan kryefamiljarin të vetëflijohej, duke lënë 4 anëtarët e tjerë në mëshirë të fatit dhe pa kushtet as minimale.
Rreth 15 minuta larg nga Sukthi i Durrësit ndodhet fshati Rrushkull ku prej vitesh jeton në varferi dhe familja Rizvani.
Në këtë shtëpi pa çati jetojnë 4 anëtaret, e zonja e shtëpisë me dy vajzat dhe djali. Sikur mos mjaftonte varfëria, ata vuajnë nga probleme të ndryshme shëndetësore.
“Nuk jam vetëm unë e sëmurë por të gjithë familjarisht.”
Situata e rëndë ekonomike ka ndikuar në përkeqësimin e shëndetit.
“Kam dhimbje të fortë te gjunjët, nuk duroj dot. Ilaçet nuk më bëjnë efekt. Jemi shumë në hall të madh.”
Drama e familjes nuk përfundon këtu.
1 vit më parë kryefamiljari vendosi ti japë fund jetës. Dhimbja që la pas shihet ende në sytë e dy vajzave.
“Ishte shumë i mërzitur por e mbante përbrenda. Punonte natë dhe ditë, e zinte gjumi me çizme, me kokë në tavolinë.”
Entela dhe Havaja thonë se varfëria e detyroi babain e tyre të marrë këtë vendim ekstrem.
“Babi më ka ikur nga mërzitja, mua nuk më tret dheu tha për fëmijët.”
“Bosh duket shtëpia, më mungon.”
Fati i keq e ka përndjekur edhe më herët këtë familje.
Vite më parë ndërtesën e ngritur me mund e përfshinë flakët, duke i djegur dhe ato pak orendi.
“Është djeg një shtëpi dhe është bërë hi. Vetëm kemi shpëtuar si rob.”
“Prandaj kemi mbetur kështu, e ka bërë babi avash-avash por nuk e përfundoi dot.Një tualet me u la, pa u la nuk rrihet. E kemi jashtë pa çati, marrim frymë kot, jemi kot!”
Jeta ka qenë e pamëshirshme per to. Përpjekjet për të luftuar varfërine kanë qenë të shumta por nuk ja kanë dalë dot, ndaj apelojnë për rindërtimin e shtëpisë të cilën nuk mundën kurrë ta përfundonin. /oranews
Prej gati një muaji, segmenti Kukës- Tunel i Kalimashit, në Rrugën e Kombit, vijon të jetë i mbuluar nga mjegulla…
Në një postim në rrjetin social Truth, Presidenti amerikan Donald Trump, shfrytëzoi sezonin e festave për të përcjellë urime për…
Mbrëmjen e djeshme, është dhunuar TikTokerja Suada Muça, në Tiranë. Burime jozyrtare bëjnë me dije se ajo është sulmuar nga…
Në kuadër të një hetimi antidrogë që përfshin figura të njohura të botës së artit dhe mediave, Presidenti i Fenerbahçes,…
Presidenti Bajram Begaj, ka uruar besimtarët për Krishtlindje. Në mesazhin e tij, Begaj uron festa plot begati për besimtarët e…
Këtë të enjte, në një postim në rrjetet sociale, kryeministri i vendit Edi Rama, ka uruar besintarët e krishterë për…