Java nis me diell, por temperaturat pësojnë rënie: Si do të jetë moti sot

Vendi ynë do të mbizotërohet nga alternime kthjellimesh dhe vranësirash të cilat do të sjellin mot të kthjellët, pa rrezikuar reshje.

Sipas Meteoalb, sot temperaturat do të pësojnë një rënie të lehtë, ku do të variojnë: në zonat malore, nga 15º në 27ºC, në zonat e ulëta nga 21ºC në 35ºC dhe në zonat bregdetare nga 23°C në 36ºC.

Era do të fryejë në drejtim Verlindir-Veriperëndimor ndërsa forca e valëzimit në det do të jetë 3 ballë.

Në Kosovë moti sot do të jetë i alternuar me kthjellime dhe vranësira të cilat do të sjellin mot të qëndrueshëm. Sot temperaturat do të pësojnë një rënie të lehtë ku do të variojnë: në zonat malore nga 14ºC deri në 31ºC dhe në zonat e ulëta nga 19ºC në 32ºC.