Ish-ministri i Drejtësisë, Ylli Manjani ka sulmuar ashpër në një postim në Facebook kryeministrin Edi Rama teksa shkruan se ky i fundit është tërhequr nga gjyqi që kishte me gazetën gjermane “BILD”.
Manjani shkruan se Rama iku si frikacak i kapur në flagrancë nga mashat e veta, pasi ia theu turinjtë gazeta me provat zyrtare të shtetit të vet që iu vunë përpara, mu tek “drejtësia e vërtetë”.
“Krahas shkatërruesve të zgjedhjeve duhet të mbajnë përgjegjësi edhe shkatërruesit e hetimit, që nxorrën provat në publik. Druaj se lufta e rreptë brenda llojit nuk njeh kufij… Por, hetimi duhet ta sqarojë këtë gjë”, shkruan Manjani.
Postimi i Manjanit
Ku e lamë?
Te gjyqi me BILD.
Asnjë gjyq nuk ka fituar jashtë Shqipërie Kryeplaku u Surrelit! As gjyqet e shtetit e as të vetat.
Edhe nga gjyqi që do bënte me BILD qënka tërhequr me bisht ndër shalë.
Pra atje, tek “Drejtësia e vërtetë” sic tha dhe vetë me pompozitet, u nis të heqë vetllat po la sytë. Ja preu rradakja se ka në dorë edhe gjykatat gjermane…
Lider global tjetri! Kryetar i OSBE që u mbyll gojën mediave të vendit të vet dhe kujton se ka në dorë edhe mediat e huaja.
Pu pu pu pu pu sa rëndë!
Me thënë të drejtën po e prisja jo pa kuriozitet një gjykim në Gjermani, mbi një çështje të super provuar nga BILD.
Por u tërhoq!
Iku si frikacak i kapur në flagrancë nga mashat e veta.
E mbani mend me çfarë pompoziteti na njoftoi se “…firmosa autorizimin për avokatin. Do ta hedh në gjyq BILD,në Gjermani. Te drejtësia e vërtetë..”. Kështu tha. (Meqë ra fjala sa mund ti ketë vajtur fatura e shërbimeve të avokatisë?!)
Ja fundi i pompozitetit! Ia theu turinjtë muri me provat zyrtare të shtetit të vet që iu vunë përpara, mu tek “drejtësia e vërtetë”.
E kujt ja bënë pa? Kryetarit më të madh të OSBE-së, ndër të tjera.
Qesharak pa fund!
Ndërkohë, media Gjermane jo vetëm që nuk mbylli gojën, por vijon ta denoncojë rregullisht Kryeplakun si sundimtar në Shqipëri.
Megjithatë insistoj që Prokuroria jonë këtu duhet ta çojë deri në fund atë çështje dhe krahas pyetjes se kush vodhi votat, duhet të sqarojë se KUSH JA DHA MEDIAS GJERMANE DISQET ME PROVA ZYRTARE?!
Krahas shkatërruesve të zgjedhjeve duhet të mbajnë përgjegjësi edhe shkatërruesit e hetimit, që nxorrën provat në publik. Druaj se lufta e rreptë brenda llojit nuk njeh kufinj… Por, hetimi duhet ta sqarojë këtë gjë.
Pa asnjë dyshim kjo përgjegjësi nuk i kërkohet medias,në asnjë rrethanë.
Në Kosovë më 13 shtator partitë e certifikuara për zgjedhjet lokale të 12 tetorit nisin zyrtarisht fushatën. Gjatë fushatës zgjedhore,…
Ish-deputeti i PD, Ervin Salianji ka vizituar në banesën e tyre, prindërit e Martin Canit, 14-vjeçarit që u vra nga…
Duke iu drejtuar sulmuesit që qëlloi Kirk të mërkurën në kampusin e Universitetit Utah Valley në Orem, Utah, ajo tha:…
Diella, ministrja virtuale e qeverisë “Rama 4” ka bërë bujë jo vetëm në mediat shqiptare, por edhe në ato ndërkombëtare,…
Besnik Koçiu, i dyshuar për plagosje u izolua me vendim të Gjykatës së Tiranës në paraburgimin 313, por pa mbushur…
Deklarata e zëdhënëses së Antikorrupsionit në PD, Genta Vangjeli: Reshjet intensive të paralajmëruara këtë javë kanë sjellë një tjetër përmbytje…