I nxehti afrikan përvëlon Shqipërinë, në këtë qytet u shënuan temperaturat më të larta

“Temperatura me e lartë sot u regjistrua në qytetet Gjirokastër, Shkodër dhe Elbasan me vlerën e 38°C, ndersa në kryeqytet termometri regjistroi vleren e 37°C…”

Dita e sotme mund të konsiderohet një nga ato më të nxehtat të paktën për këtë verë dhe qyteti i Gjirokastrës ka regjistruar temperaturat më të larta i ndjekur nga Tirana.

Shërbimi Meteorologjik Ushtarak bën me dije se temperatura ka arritur sot në 38 gradë dhe situata do të vazhdojë të jetë e tillë edhe gjatë ditës së nesërme.

“Dita e enjte do të vijojnë të mbetet nën ndikimin masave ajrore të nxehta Afrikane”, sqaron SHMU.

Njoftimi:

Temperatura me e lartë sot u regjistrua në qytetet Gjirokastër, Shkodër dhe Elbasan me vlerën e 38°C, ndersa në kryeqytet termometri regjistroi vleren e 37°C.

Dita e enjte do të vijojnë të mbetet nën ndikimin masave ajrore të nxehta Afrikane.

Era do të jetë nga veriperëndimi-perëndimi me shpejtësi 1-8m/s,e shoqëruar më një valëzim të forcës 1-2 ballë.

Temperaturat parashikohen në:

zonat malore 18°C deri në 35°C

zonat e ulëta 20°C deri në 41°C

zonat bregdetare 20°C deri në 37°C

Ju urojmë të kaloni një pasdite të mbarë!