Hetimet për vrasjen e Kapllanit marrin kthesë, çfarë u zbulua nga celulari i tij

Detaje të reja zbardhen nga vrasja me breshëri plumbash e 33 vjeçarit Klevis Kapllani në Rrogozhinë.

Mësohet se dyshimet e grupit hetimor janë se Kapllani të jetë i përfshirë në vrasjet e ndodhura në Elbasan dhe në Peqin.

Në datën 12 shtator viktima ka komunikuar me persona të paidentifikuar të cilëve u ka lënë makinën deri në datën 14. Një ditë më vonë ai u gjet i pajetë pikërisht në këtë mjet, i qëlluar me 13 plumba kallashnikovi.

Ditën e djeshme, trupi i pajetë i Kapllanit është pikasur fillimisht nga shitësi i qumështit i cili ka njoftuar menjëherë familjarët të cilët kanë njoftuar forcat policore.

33-vjecari është gjetur pa shenja jete në makinën tip Fiat Punto, ndërkohë që xhami i derës ka qenë i thyer.

Gjithashtu Kapllani ka qenë i dënuar në Itali për lëndë narkotike, ndërkohë që banorët shprehen se ështëe djalë i respektuar në zonë. Vrasja ka ndodhur 200 metra larg banesës së Kapllanit, ndërkohe që 33- vjeçari është i martuar dhe baba i një femije 2 muajsh.