Grida Duma denoncon me video Ramën: Qytetarët u braktisën (VIDEO)

Ish-deputetja e PD-së, Grida Duma ka postuar një video në rrjetin scoial Facebook ku sulmon kryeministrin Rama.

Sipas Dumës, Rama përdori strategji terrori ndaj shqiptarëve, ndërkohë që për qëllime të pastra korruptive, hodhi poshtë sakrificën e tyre gjatë pandemisë dhe i la në mëshirë të fatit, duke menduar vetem per pasurine e tij dhe te klienteve te tij.

“Rama fajëson qytetarët për dështimin e tij. Por pandemia ka dalë jashtë kontrolli, për shkak të babëzisë së Edi Ramës, për tendera sekret dhe koncesione korruptive”- thekson ajo.

Mesazhi i Dumës

Pasi përdori një strategji terrori, Edi Rama hodhi poshtë sakrificat e qytetarëve dhe sipërmarrjeve. Nga mungesa e testimeve spitalet u shndërruan në qendra të përhapjes së COVID-19.

Shqipëria është vendi me numrin më të vogël të testimeve në rajon!

Edi Rama e përdori pandeminë për qëllime korruptive. Duke provokuar konflikt dhe përplasje me qytetarët për t’u shërbyer oligarkëve dhe interesave klienteliste! Sot Edi

Rama fajëson qytetarët për dështimin e tij. Por pandemia ka dalë jashtë kontrolli, për shkak të babëzisë së Edi Ramës, për tendera sekret dhe koncesione korruptive!

Miliona euro shkuan për oligarkët, ndërsa ndihma ekonomike për qytetarët ishte më e vogla në Rajon!

Sepse Edi Rama përpara shëndetit të qytetarëve zgjodhi klientët e tij!