Gjueti makinash luksoze, çfarë ndodhi mbrëmë në rrugët e Tiranës

Gjatë natës ka patur kontrolle dhe drager në rrugën interurbane “Tiranë-Elbasan” për të parandaluar aksidentet rrugore që vijnë si rezultat i shpejtësisë mbi normat e lejuara.

Nga verifikimet dhe monitorimet me matësin e shpejtësisë dhe aparatin alkool testues, në 5 orë janë konstatuar dhe pezulluar 12 leje drejtimi për shpejtësi mbi normat e lejuara.

Drejtuesit ecnin me një shpejtësi nga nga 150 km/h – 161 km/h, si dhe nuk kanë munguar rastet e shoferëve të dehur prandaj

Policia arrestoi dy drejtues, të cilët u konstatuan duke drejtuar mjetet në gjendje të dehur ndërsa në shenjestër kanë qenë makinat luksoze dhe djemtë që dalin natën.

Edhe në rrugën interurbane kryesore “Tiranë-Durrës-Tiranë”, efektivët kanë konstatuar me anë të radarëve se drejtuesit ecnin me shpejtësi të madhe.

Policia u ka bërë thirrje të gjithë shoferëve duke u thënë: ” Rruga është e te gjithëve, rregulli vlen njësoj. Shpejtësia, alkooli, garat, të presin rrugëtimin e jetës. Respektoni rregullat e qarkullimit rrugor, mos u bëj statistikë. Familja ka nevojë për TY, jo për videot e tua ku reklamohet shkelja e rregullave si model sjellje.”