Ermal Mamaqi ka një këshillë për shqiptarët: Kur të blini ushqimet mos harroni…

“Në atë orën që shkoni blini ushqimin për trupin, të shkoni të blini dhe një libër që të ushqeni mendjen…”

Aktori i humorit Ermal Mamaqi sugjeron qytetarët që kur të dalin dhe të blenë ushqimet, të marrin sipas tij edhe një libër për të ushqyer mendjen.

Mamaqi foli këtë pasdite për programin “Rudina” në Tv Klan në një lidhje në Skype.

Ermali tha se kohën e izolimit po e shfrytëzon edhe për të lexuar, si një mënyrë mjaft e mirë për të ushqyer mendjen.

“Nuk e di nëse janë hapur libraritë dhe bibliotekat, por do të ishte një ide shumë e mirë për mendjen që në atë orën që shkoni blini ushqimin për trupin, të shkoni të blini dhe një libër që të ushqeni mendjen.

Një libër shumë i mirë për të ushqyer mendjen është “Zbulo gjigandin brenda teje”, i Tony Robbins.

Unë po e rilexoj në fakt, se e kam lexuar dy herë, por është koha shumë e mirë për ta lexuar tani. Një nga gjërat që mund të mësoni aty është që çdo gjë që ndodh, ndodh për një arsye të mirë.

Ajo që ndodh nuk është ajo që ndodh, por është ajo që si ti e interpreton atë që ndodh. Për ca njerëz, kjo që po ndodh tani është e tmerrshme, por për ca njerëz mund të jetë shumë e mirë. Është në dorën tuaj ta përcaktoni.

Unë dua t’ju them gjithë njerëzve që ta shfrytëzojnë këtë kohë për një fokus tek vetja dhe të orientohen drejt një mënyre si të arrijnë kualitetin e vlerave të veta”, tha Mamaqi.