Edi Rama do t’a sabotojë reformën zgjedhore me votat e “opozitës së re”?

Një ditë para se Reforma Zgjedhore të gjente marrëveshjen, Edi Rama ankohej tek Fevziu se nuk e kontrollonte dot opozitën e re, madje të gjithë ata duan shancet e tyre për të garuar.

Ai për t’u bërë qaramanë deri në fund shtonte që nuk i ka 84 vota në Kuvend, ndaj “opozita e re” mund ta ndryshojë rrjedhën e reformës.

Deri më sot, qysh kur partitë opozitare braktisën Kuvendin duke dorëzuar mandatet dhe disa fundorë listash zunë vendet e lëna bosh në Parlament, të gjitha ligjet e qeverisë kanë kaluar me shumë më shumë se 84 vota. Por, vetëm për Reformën Zgjedhore kjo me gjasë nuk do të ndodhë.

Madje, Myslim Murrizi ka kërkuar një takim me Edi Ramën brenda 48 orësh për Reformën Zgjedhore, ndërsa ka vënë disa kushte nga listat e hapura tek vota e emigrantëve.

Natyrisht, Edi Rama nuk është i kënaqur nga marrëveshja, e cila lejon koalicionet, por mbi të gjitha nuk e lë atë t’i numërojë votat me rilindas, shkruan 27.al.

Prandaj, po kërkon të shtijë mish dhie me “opozitën e re” të pellazgut Gjuzi dhe kërpëratës.

Ndoshta Yuri Kim e hap derën e shtëpisë edhe për ta që t’i qerasë me gliko gjethesh fiku.