Pak minuta më parë u bë me dije se një pacient i infektuar me COVID-19 i shtruar në Infektiv ka ndërruar jetë.
Por ministria e Shëndetësisë ka mohuar lajmin se pacienti ka ndërruar jetë si pasojë e komplikacioneve të shkaktuara nga virusi por si shkak e hemoragjisë cerebrale.
“69-vjeçari ishte prej 13 vitesh me tumor në kokë dhe kishte kryer 3 ndërhyrje. Kishte hemorragji cerebrale dhe ishte në gjendje të rëndë në koma”- njofton ministria.
Reagimi zyrtar i ministrisë së Shëndetësisë:
Lidhur me lajmin e publikuar në media për vdekjen e një pacienti 69-vjeçar nga Shkodra me COVID-19, Ministria e Shëndetësisë dhe Mbrojtjes Sociale informon se:
Pacienti 69-vjeçar nga Shkodra që ka ndërruar jetë në spitalin infektiv, ka humbur jetën si pasojë e sëmundjes hemoragjisë cerebrale (aksidentit vascular hemoragjik).
69-vjeçari ishte prej 13 vitesh me tumor në kokë dhe kishte kryer 3 ndërhyrje. Kishte hemorragji cerebrale dhe ishte në gjendje të rëndë në koma.
Sipas spitalit infektiv, 69-vjeçari nuk ka ndërruar jetë si pasojë e COVID-19, pasi ishte bartës i virusit, por pa shenja të sëmundjes, (asimptomatik) dhe ka ndërruar jetë si pasojë e hemoragjisë cerebrale.
Ministria e Shëndetësisë i shpreh ngushëllime familjes së të ndjerit dhe informon se do të mbajë të informuar publikun për çdo zhvillim, ndaj lutemi t’i referoheni njoftimeve zyrtare. /albeu.com/
Ministri i Drejtësisë, Ulsi Manja u shpreh sot, se aksioni për prishjen e ndërtimeve pa leje në gjithë territorin e…
Instituti i Gjeoshkencave ka dalë me një njoftim lidhur me situatën e motit të keq që ka mbërthyer të gjithë…
Artistja shqiptare me famë botërore, Dua Lipa dhe partneri i saj, Callum Turner kanë vendosur të hyjnë së bashku në…
Moti i keq largon pushuesit nga plazhet dhe bregdeti, trafik i rënduar në akset Shkodër- Lezhë dhe Lezhë-Milot
Një 24-vjeçare ka humbur jetën në Prishtinë, pasi është plagosur me armë zjarri në një poligon. Rasti ka ndodhur mbrëmë…
Stuhia e erës së ditës së sotme ka shkaktuar zjarr në shkurret e ferrat e rrethimit të Bazës Ajrore të…