Do të ketë rikthim me Nora Istrefin? Robert Berisha tregon të vërtetën

Këngëtari i famshëm Robert Berisha ka treguar publikisht nëse mund të ketë ribashkim me ish-bashkëshorten Nora Istrefi.

I pyetur në emisionin “Treshat” nëse e mban mend puthjen e fundit romantike që i dhuroi Norës, Roberti tha:

“Si puthje edhe pse jemi shokë dhe jemi prindër të Rene, nuk mungojnë, por puthjen e fundit romantike, s’e mbaj mend. Unë jam një prej atyre tipave që jap shpesh puthje dhe i kam dhënë shpesh puthje, si fëmijë, jam njeri shumë i dashur”, u shpreh ai.

Ndonëse i kanë dhënë fund lidhjes, nuk ka hedhur poshtë mundësitë se mund të jenë sërish bashkë në të ardhmen.

“Nuk i dihet jetës. Nuk është asnjëherë e mbyllur përfundimisht, sa i përket meje asnjëherë”, u shpreh këngëtari.

Megjithatë, theksoi se është shumë i zënë me punë dhe është beqar.