DETAJET/ Armë e para, si u zbulua 17 vjeçari dhe lushnjari që plagosi me thikë një person

Zbardhur detajet e fundit nga aksioni në Tiranë ku është sekuestruar lëndë narkotike, para dhe një armë e ftohtë.

Forcat e Posaçme “Shigjetat”, në bashkëpunim me Seksionin për Hetimin e Narkotikëve në DVP Tiranë, bazuar në informacionet e siguruara në rrugë operative nga burime të ndryshme, vunë në pranga shtetasin M. D., 17 vjeç.

Ai në momentet e arrestimit ka kundërshtuar me dhunë punonjësit e Policisë.

Gjatë kontrollit fizik iu gjetën 7 qese me lëndë të dyshuar narkotike të llojit cannabis sativa dhe një shumë lekësh të dyshuara të përfituara nga shitja e lëndëve narkotike.

Ndërkohë, nga specialistët për Hetimin e Krimit të Komisariatit të Policisë Kavajë u bë arrestimi në flagrancë, për veprat penale “Vrasja me dashje, e mbetur në tentativë, kryer në bashkëpunim” dhe “Mbajtja pa leje e armëve të ftohta”, i shtetasit I. S., banues në Lushnjë, pasi, për motive të dobëta ka plagosur me thikë shtetasin N. C., i cili ndodhet në spital në gjendje të rëndë shëndetësore.

Në cilësinë e provës materiale u sekuestrua mjeti prerës thikë.

Materialet i kaluan Prokurorisë së Rrethit Gjyqësor Tiranë, për veprime të mëtejshme. /albeu.com/