COVID-19/ Mbi 100 të infektuar vetëm sot e 4 viktima, shkon në 4 008 totali i të infektuarve

Ministria e Shëndetësisë ka nxjerrë të dhënat e fundit mbi situatën e COVID-19 në Shqipëri.

102 raste të reja me koronavirus u zbuluan gjatë 24 orëve të fundit, duke e çuar totalin e të infektuarve në 4 008.

Në 24 orët e fundit katër pacientë kanë humbur jetën:

një 43-vjeçar nga Kamza pa sëmundje shoqëruese dhe një 60-vjeçar nga Shkodra, një 64-vjeçar nga Durrësi dhe një 61-vjeçar nga Tirana me sëmundje shoqëruese.

Të infektuarit e rinj janë 67 raste në Tiranë, 5 në Shkodër, nga 4 raste në Krujë, nga 2 raste në Berat, Kavajë, Peqin, nga 1 rast në Durrës, Has, Korçë, Lezhë, Lushnjë, Vlorë, Sarandë.

Në spital janë të shtruar 110 pacientë, mes tyre edhe mosha të reja. 14 pacientë janë në terapi intensive në gjendje serioze dhe 1 prej tyre i intubuar në gjendje të rëndë.

Në 24 orët e fundit janë shëruar 50 qytetarë, duke e çuar në 2 264 numrin e të shëruarve që nga fillimi i epidemisë.

Që prej fillimit të marsit janë testuar rreth 34 mijë persona, prej të cilëve janë:

– 4 008 të infektuar,

– 111 viktima;

– 2 264 të shëruar,

– 1 585 të infektuar aktivë.

Shpërndarja gjeografike e pacientëve aktivë deri më 18 korrik sipas qarqeve është:

Tiranë, 737 pacientë aktivë,
Durrës, 206 pacientë aktiv,
Shkodër, 187 pacientë aktivë,
Vlorë, 105 pacientë aktivë,
Fier, 39 pacientë aktivë,
Lezhë, 84 pacientë aktivë,
Korçë, 49 pacientë aktivë,
Kukës, 54 pacientë aktivë,
Elbasan, 42 pacientë aktivë,
Berat, 37 pacientë aktivë;
Gjirokastër, 21 pacientë aktivë,
Dibër, 24 pacientë aktiv.