COVID-19/ Bileta e autobuzit do të rritet sërish nëse qeveria nuk ul akcizën e naftës

Rreth 15 milionë euro humbje parashikohet të ketë sektori i transportit ndërqytetas dhe rrethqytetas vetëm nga periudha e bllokimit të aktivitetit që prej 12 marsit.

Kryetar i kësaj shoqate, Eneo Sulejmanaj thotë se kjo është humbja më e madhe në këtë sektor

Eneo Sulejmanaj: “Në këto dy muaj që ka qenë i mbyllur shërbimi me përllogaritjet tona humbjet janë 15 milionë euro.”

Për daljen nga kjo situatë ai shprehet se ka paraqitur dy propozime për rimëkëmbjen.

Eneo Sulejmanaj: Kemi propozuar që të ulet akciza e naftës, pra blerja e naftës pa akcizë për transportin urban, që të mos impaktohet drejtëpërdrejtë në rritjen e cmimit të biletave. Nëse qeveria nuk e merr parasysh zgjidhja do të jetë rritja e çmimit të biletave në masën 30%

Por sikur të mos mjaftonin të gjitha këto pagën e luftës e kanë përfituar vetëm 10% e punonjësve.

Eneo Sulejmanaj: “90% e punëtorëve nuk e kanë marrë pagën e luftës, arsyet janë të ndryshme”

Në këtë sektor janë të punësuar 15 mijë njerëz ku 5 mijë prej tyre rrezikojnë të humbin vendin e punës. Ata kërkojnë ndihmën e shtetit në mënyrë që të mos shkojnë drejt falimentimit. /Oranews