Blendi Fevziu zbulon prapaskenat: Çfarë qëndron pas “paqes” Rama-Meta?

Gazetari Blendi Fevziu, në një intervistë për “Report Tv”, ka shprehur vlerësimin e tij lidhur me marrëdhënien president-kryeministër.

I pyetur nëse ka një rregullim në marrëdhënin mes kreut të shtetit, Ilir Meta dhe kryeministrit Edi Rama, ai u shpreh se është një marrëdhënie normale.

“Nuk e besoj, është krejtësisht normale. Meta më tha ka rakorduar për të zbatuar disa nga masat.

Mos mendoni të ketë përplasje, në një situatë pandemie. Debati normal do të vijë me zbutjen e masave.

PD-ja nuk ka ndonjë debat, por denoncime. PD-ja po mundohet të përmirësoja ca gjëra, po të verë në pah disa defekte, nuk është debat i mirëfilltë politik.

Debati i mirëfilltë politik është si do të votohet, kur, reforma zgjedhore. Nuk besoj se do të jenë të njëjtë. Pandemia solli edhe një lloj zhvlerësimi të sjelljes politike”, tha gazetari Blendi Fevziu.

Por a ka pasur nevojë për përmirësime kjo situatë? “Pa as një diskutim. Shumë gjëra mund të ishin bërë më mirë, por jemi në kushtet e panjohura.

Nuk është se ka një formulë si duhet të ishin bërë gjërat, secila ka ecur me hamendje. Përmirësim mund të kishte në paketën ekonomike, si po bëhet disbursimi”, deklaroi ai.