Biznes nga shtëpia: I riu shqiptar kapet me 4 mln euro kokainë, lëvizjet që ngritën dyshime

E keni dëgjuar shpesh shprehjen “punoj nga shtëpia” këtë periudhë për shkak të koronavirusit. Në këtë mënyrë bëhet biznes edhe nga tregtarët e drogës.

Ky është rasti i një djali 24 vjeçar me origjinë shqiptare, i cili kishte shndërruar garazhin e shtëpisë së tij në një dyqan për shpërndarjen e lëndëve narkotike.

Karabinierët e Ostia sekuestruan 75 kilogramë kokainë, e cila u zbulua në makinën e shqiptarit, e parkuar në një garazh në Ponte Galeria.

Policia më pas vendosi të kontrollonte depon dhe arrestoi dy persona.

Gjatë shërbimeve të përditshme të kontrollit të territorit, forcat e rendit vunë re qëndrimin e çuditshëm të 24-vjeçarit shqiptar pa një vendbanim të fiksuar dhe pa probleme të mëparshme me ligjin, i cili, në disa raste, u pa duke bredhur përgjatë rrugëve të qytetit në bord të makinës së tij.

Djali e la me përpikëri automjetin duke e parkuar në një garazh në Ponte Galeria në pronësi të një romani 46-vjeçar. Duke besuar se dy të dyshuarit mund të ushtronin ndonjë veprimtari të paligjshme, karabinierët vendosën të ndiqnin lëvizjet e tyre dhe të bënin një kontroll në shtëpinë e 46-vjeçarit.

Gjatë kontrollit, policia gjeti 64 zarfe që përmbajnë kokainë, disa prej të cilave ishin marrë në bagazhin e makinës së të riut shqiptar, për një peshë totale mbi 75 kg. Të dy u arrestuan dhe u dërguan në burgun e Regina Coeli, në dispozicion të Autoritetit Gjyqësor, shkruan Panorama.

Droga e sekuestruar, e cila mund vlerësohet me një çmim prej gati 4 milion euro, do të furnizonte sheshet kryesore të tregtimit të drogës në Romë dhe bregdet.