Avokati i Henri Çilit: Nuk u arrestua, u vetëdorëzua

Sipas avokatit të Henri Çilit, ky i fundit nuk është arrestuar, por është vetdorëzuar në policinë e Tiranës.

Andi Duraj sqaron se urdhër arresti për botuesin Henri Çili mban orën 8:15 minuta të mëngjesit të së premtes edhe pse ai është vetdorëzuar në policinë e Tiranës që mbrëmjen e së enjtes rreth orës 10:00.

Duraj thekson se kjo është një shkelje ligjore pasi prej më shumë se 24 orësh askush s’ka shkuar për të pyetur klientin e tij.

Po ashtu Andi Duraj avokati i Çilit thotë se nuk ka prova për një korrupsion në sistemin e drejtësisë pasi në të kundër kjo çështje s’mund të jetë në kompetencën e gjykatës së Përmetit dhe s’është ajo gjykata që ka tagër të tillë shkruan shqiptarja.com.

Megjithatë, pavarësisht pretendimit të avokatit, mësohet se ai është marrë në pyetje paraprakisht, dëshmi të cilën Report Tv ka arritur ta sigurojë. Referuar kësaj dëshmie, Çili ka deklaruar se çdo gjë është e manipuluar dhe se do i kundërshtojë me prova dhe fakte.