Arrestohet Klodian Duro, kërcënoi me jetë ish bashkëshorten

Policia ka arrestuar dy ditë më parë ish-futbollistin e Kombëtares së Futbollit, Klodian Duro.

Sipas abcnews.al, Duro u arrestua me akuzën e përndjekjes dhe kanosjes ndaj ish-bashkëshortes, me të cilën ishte divorcuar një vit më parë.

Ish-bashkeshortja e Duros banonte në “ish-Bllok” dhe kishte urdhër mbrotjeje që nga momenti i divorcit.

Ajo e ka denoncuar vazhdimisht Duron për kanosje, përndjekje përmes SMS-ve dhe dhunë në familje.

Më datë 24 mars në mbrëmje, Duro ka shkuar në shtëpinë e saj duke i rënë derës, ndërsa ajo ka njoftuar menjëherë policinë. Disa minuta më vonë, efektivët e rendit kanë mbërritur aty duke e arrestuar në flagrancë.

Siç mëson abcnews.al, në momentin kur kanë mbërritur efektivët e policsë, Duro është shprehur se ka qenë aty thjesht për ta takuar.

Ai gjendet tani në ambientet e Drejtorisë së Policisë së Tiranës, në pritje të dhënies së masës së sigurisë gjatë ditës së sotme.