Armina Mevlani flet për planet e dasmës me Shkëlzen Berishën: Do ftoj shumë njerëz! (FOTO LAJM)

Armina Mevlani ka treguar detaje se si do të dëshironte të ishte dasma e saj.

Armina Mevlani prej shumë vitesh është në një lidhje me Shkëlzen Berishën, djalin e ish-kryeministrit Sali Berisha.

Blogerja ka shuar paksa kureshtjen e njerëzve me anë të një miniinterviste në InstaStory.

Armina shprehet se dasmën dëshiron ta bëjë në Shqipëri pasi do ftojë shumë njerëz.

Ndërsa hodhi poshtë idenë për ta zhvilluar në Como të Italisë pasi sipas saj nuk është e mundur të organizohet kur ka shumë të ftuar.

“Historia ime me Comon është e tillë: Në udhëtimin tonë të parë aty në 2014, Zeni dhe unë vumë re një vend special që e pëlqenim të dy dhe kështu u bë traditë që çdo përvjetor shkonim tek ai vend, tek një stol ku unë kam marrë edhe propozimin e parë në 2016, spontan.

Dasmën me siguri do ta bëj në Shqipëri pasi kam dëshirë të ftoj shumë veta. Me aq persona është e vështirë ta organizosh jashtë,” – u shpreh Armina.

Ajo tregoi se e ka shijuar shumë lidhjen me Shkëlzenin edhe të pamartuar duke shtuar se nuk dëshiron të bëjë celebrimin pa dasmën.

“Unë këtë lidhje e kam shijuar shumë, kështu edhe të pamartuar duke bashkëjetuar. Por patjetër celebrimi do vijë, por dua të vijë bashkë me dasmën në të njëjtën kohë, pra me festën.

Kur je person publik dasma nuk është vetëm një dëshirë e çiftit por duhet gjetur momenti i duhur për ta organizuar,” – tregon Armina.