Aktorja rrëfen ndërhyrjen e policisë: Ishte si aksion terrorist, ishim në taracën e Teatrit kur nisi shembja

Aktorja Juli Emiri, tregon momentin kur efektivë të policisë ndërhynë në Teatër për të nxjerrë prej godinës artistët.

Emiri tregon se bashkë me kolegë të saj ndodheshin në taracën e Teatrit, ndërsa tregon se policia ndërhyri në mënyrën më makabre.

“Në mënyrë më makabër, në një aksion terrorist, zbrazën godinën, na morën me forcë nga tarraca. Dëgjova fadromat, ndërkohë që nisi shembja ne ishim në tarracë. I them se mund të ketë njerëz në teatër, por polici m’u u përgjigj “aty le të rrinë”.

Po na vrasin me dashje. Populli duhet të ngrihet po instalohet diktatura. Ata vijnë natën. Me Neritanin qëndruam në komisariatin numër 4. Na morën vetëm deklaratë. Policia ka ushtruar edhe dhunë gjatë kohës që i kanë nxjerrë njerëzit jashtë. Kjo luftë u kthye në një luftë për dinjitet.” U shpreh Emiri.