Aksidenti me 1 viktim e 4 të plagosur rëndë, policia e Gramshit zbulon shkaqet

Një aksident i rëndë ka ndodhur ditën e sotme në Gramsh ku një aksident i rëndë i ka marrë jetën një personi. Pas ngjarjes së rëndë ka reaguar zyrtarisht policia e Shtetit duke zbardhur shkaqet e aksidentit.

Ngjarja ka ndodhur në Poroçan të Gramshit ku makina ka dalë nga rruga duke shkaktuar një viktime e katër të plagosur.

Viktima është shtetasi me inicialet A.Ll. 35-vjeç ndërsa drejtuesi i mjetit ka qenë shtetasi B.Ç., i cili ka mbetur i plagosur.

Mësohet se Policia dhe ambulanca kanë mbërritur në vendin e ngjarjes, ndërsa raportohet se mjeti i aksidentuar është tip furgon. Blutë e Gramshit njoftojnë se shkak për aksidentin është bërë një diefekt teknik në mjet

Ngjarja ka ndodhur në një zonë me terren tepër të vështirë dhe me distahncë të madhe nga qendra urbane, ndërsa ende nuk dihet nëse mjeti shërbente për transport publik apo ishte privat.

“Rreth orës 16:20, në fshatin Kabash, Gramsh, automjeti tip mikroautobuz që drejtohet nga shtetasi B.Ç., banues në fshatin Poroçan, Gramsh, si pasojë e një difekti teknik ka dalë nga rruga dhe për pasojë ka humbur jetën shtetasi A.Ll., rreth 35 vjeç, si dhe janë plagosur 4 pasagjerë, të cilët po transportohen me autoambulanc për në Spital.

Shërbimet e Policisë dhe grupi hetimor ndodhen në vendngjarje dhe po vijon puna për zbardhjen e shkakut të aksidentit”, njofton policia.