21 të vdekur e 822 të infektuar, rast i ri në Itali

Ka kaluar në 822 nurmi i personave të infektuar me koronavirus në Itali.

Është rritur edhe numri i viktimave, me vdekjen e dy burrave dhe dy grave të moshave nga 70 deri në 80 vjeç, rezidentë në lodigianp.

Një rast i ri me coronavirus është evidentuar në Lazio. Bëhet fjalë për një grua nga Fiumicino që sapo ishte kthyer nga një udhëtim nga Bergamo. OBSH flet për një “nivel të kërcënimit botëror shumë të lartë”. Lombardia kërkon kufizime për një javë tjetër, në pritje të vendimit të qeverisë.

Lombardia mbetet rajoni më i prekur, me 531 pacientë pozitivë, përfshirë 235 të shtruar në spital dhe 85 në kujdesin intensiv. Një situatë komplekse, siç dëshmohet nga urgjenca në spitalin e Lodit, ku u shtruan në spital 51 pacientë në gjendje të rëndë, të gjithë të ardhur nga zona e kuqe. “Nuk është koha për të menduar për të ulur gatishmërinë ose se e kemi mbyllur problemin”, shpjegon profesor Massimo Galli, drejtor i sëmundjeve infektive në spitalin Sacco në Milano. Një lajm i mirë vjen nga Spallanzani në Romë, ku Niccolò, studenti 17-vjeçar që u kthye nga Wuhan, ka mbaruar karantinën. I riu është mirë dhe më në fund mund të largohet nga spitali për të përqafuar familjen e tij.

Në zonën e kuqe rreth Codognos dhe në zonën e Padovas të Vo ‘Euganeos, zyrat postare janë rihapur që nga e hëna. Një shenjë se normaliteti ndoshta është më afër. Sa për shkollat, pozicioni i rajoneve nuk është unanim. Veneto do të dëshironte të rihapet përsëri të hënën, siç përsëriti disa herë guvernatori Zaia. Lombardia, nga ana tjetër, kërkoi që të ndalohej edhe një javë. Vendimi i takon qeverisë: ka të ngjarë që të arrihet një masë ad hoc për të dy rajonet dhe një tjetër me udhëzimet e përgjithshme për të gjitha rajonet e tjera, të cilat në disa raste- si në Trentino Alto Adige – tashmë kanë vendosur të rihapin shkollat.