U lidh me missin shqiptar? Stresi pohon edhe njëherë se është i martuar

Stresi u përfol se ishte në një romancë me modelen Atalanta Kërçyku, e cila mban disa kurora miss-i dhe vitin e fundit përfaqësoi vendin tonë në “Miss World”.

Lajmet u përhapën pas festës së ditëlindjes së reperit, ku thuhej se ishte parë shumë pranë bukuroshes dhe miq pranë tyre kishin konfirmuar lidhjen.

Mirëpo, asgjë nuk është e vërtetë dhe lajmin e ka përgënjeshtruar vetë Stresi për “Iconstyle.al”. Reperi ka treguar se nuk ka asnjë lidhje me vajzën në fjalë dhe hera e parë që e ka takuar ka qenë në ditëlindjen e tij. Kjo pasi modelja kishte ardhur me disa miq të përbashkët.

Stresi rrëfeu se nuk e njeh modelen dhe thjesht kanë bërë foto për ditëlindje, ndërsa më pas mes tyre s’ka ndodhur asgjë më shumë.

“Unë jam i martuar“- sqaron Stresi duke na lënë të kuptojmë se historia me Keisin s’ka marrë fund dhe së shpejti do t’i shohim sërish bashkë! Sigurisht, pasi të pajtohen! Kjo shpjegon edhe faktin pse Keisi vazhdonte ta mbante në gisht unazën, pavarësisht faktit se nuk flet prej kohësh me partnerin e saj!