Po vjen era hit! Zbulohet dueti ndërkombëtar i Elvana Gjatës (FOTO LAJM)

“Sa herë që Elvana “humb”, ka një gjë të madhe për të prezantuar”.

Kështu u shpreh Valdrin Sahiti kohë më parë për miken e tij Elvana Gjata.

Kjo e fundit para disa ditësh ka postuar disa foto në Instagram, ku shfaqet e veshur me të bardha në majë të një shkëmbi, duke mos i shoqëruar me asnjë koment.

Kaq ka mjaftuar që fansat të aludojnë se me shumë mundësi fotot janë shkëputur nga videoklipi i ri që ajo po sjell.

E në fakt autorja e hitit “Ku vajti” po vjen me një bashkëpunim, pasi duket se ajo ka bashkuar forcat me një ndër DJ më të mirë ndërkombëtarë, Mahmut Orhan, projektet e të cilit kanë miliona klikime.

Ajo që na ka çuar drejt këtij detaji janë fotot e postuar në të njëjtin vend.

Orhan ka postuar këto foto, ku është shfaqur edhe Elvana në fotot e fundit, madje ajo edhe i ka pëlqyer ato.

Në fakt, rreth një vit më parë, DJ i njohur postoi në Instastory një video ku dëgjohej një vijë muzikore dhe i kishte bërë tag Elvanës.

Nuk ka ende detaje rreth këtij dueti, por me siguri do jetë WOW!

Elvana Gjata na ka munguar të gjithëve këtë verë. Përtej faktit që nuk ka qenë aktive në muzikë, ajo u shkëput për dy muaj edhe nga rrjetet sociale.

Disa ditë më parë ajo u rikthye në Instagram, duke publikuar disa foto ku shfaqet me një look të ri flokësh, por pas disa postimeve kuptuam se ato i përkasin së kaluarës.

Nostalgjike për look-un e saj të para 3 viteve, Elvana sjell një mori postimesh në njërën prej të cilave ajo shfaqet me mikun e saj Valdrin Sahiti.

Mirëpo, në fillim të kësaj jave ajo ka postuar një video në Instagram, ku shihet duke notuar në det dhe nga sa na la të kuptojmë ndodhet në jug të Shqipërisë.

Nuk e dimë nëse ky rikthim i saj në rrjetet sociale përkon edhe me rikthimin në muzikë, por diçka e themi me siguri: na ka munguar shumë.

Për herë të fundit këngëtaren e pamë në festivalin e RTSH ku debutoi me këngën e saj “Me tana”, por ka rreth 6 muaj dhe këngëtarja nuk ka sjellë ende asnjë këngë./iconstyle