Ndahet nga jeta ish i dashuri i Jennifer Lopez. David Cruz u nda nga jeta në moshën 51-vjeçare. Lajmi i hidhur u dha nga sajti amerikan ‘Tmz’ për tu përhapur më tej me shpejtësi.
Ish i dashuri i këngëtares u nda nga jeta të shtunën në 21 mars, në Mount Sinai West Hospital të Manhattan (New York). Vdekja e tij ndodhi për shkak të komplikacioneve kardiake, nga të cilat vuante kohëve të fundit.
Cruz njihet si i dashuri i parë i JLo, me të cilën përjetoi një histori të madhe dashurie në moshë të re, duke u cilësuar si dashuria e parë e madhe e këngëtares.
Lidhja mes tyre zgjati thuajse dhjetë vjet, para se Jennifer të spikaste dhe të kalonte nga bota e muzikës në kinemanë hollywoodiane.
Partnerja e tij prej 18 vitesh, me emrin Isa, duke dhënë lajmin e hidhur shkroi se, “Ishte i dashur dhe i sjellshëm. Ishte një baba i dashur i cili e rriti djalin e sjellë pas prej mejke me dashuri dhe që tashmë është pjesë e Marinës. Momenti im i preferuar ishte mbrëmja në familje, sepse nuk ishte special vetëm për mua, por edhe për fëmijët. Sigurohej gjithmonë që ti mbyllte gjërat me fjalën ‘Të dua”.
Deri më tani lajmi i hidhur nuk është komentuar ende nga JLo. Kur David dhe Jennifer u njohën në vitin 1984, ishin fare të rinj, ajo 15 vjeç dhe ai 16. Historia mes tyre zgjati për një dekadë deri kur këngëtarja dhe aktorja u bë e njohur në nivel botëror, ose thënë ndryshe në fillim të viteve ‘90-të.
Në vitin 2004, duke reflektuar për lidhjen e Cruz, këngëtarja tha se, “Ai është një mik, ndoshta ai që më njeh më mirë se kushdo. Kam shumë kujtime me të, pasi kaluam 9 vite bashkë dhe u rritëm bashkë. Shoku i tij i ngushtë po dilte me shoqen time të ngushtë. Ai më pa dhe ra direkt në dashuri me mua”.
Aktualisht JLO është e fejuar me ish-yllin e bejsbollit, 44-vjeçarin Alex Rodriguez, me të cilin është lidhur qysh prej vitit 2017.
Ky eklips sjell energji të fuqishme pastrimi dhe fillimesh të reja. Virgjëresha lidhet me rendin, shëndetin, zakonet e përditshme dhe…
Pas një periudhe të gjatë pritjeje dhe një pune të mbajtur në fshehtësi për më shumë se një vit, Elhaida…
Dashi Do ketë ngjarje te jashtëzakonshme gjate kësaj dite për ata qe janë ne një lidhje. Gjithçka do jete ndryshe…
Deputetët po votojnë në mënyrë të fshehtë për të zgjedhur Kryetarin e Kuvendit. Partia Socialiste, që fitoi zgjedhjet parlamentare të…
Presidenti i SHBA-së, Donald Trump, pritet të takohet me kryeministrin e Katarit, Mohammed Abdulrahman Al Thani, në një darkë zyrtare…
Që nga momenti kur kryeministri Edi Rama e paralajmëroi në Asamblenë Kombëtare të PS-së, krijimi i ministres virtuale të Inteligjencës…