Hoqën dorë nga posti në familjen mbretërore, reagon babai i Meghan Markle

Ditën e djeshme, çifti mbretëror Princ Harry dhe Meghan Markle kanë njoftuar se janë tërhequr nga postet e tyre në familjen mbretërore, duke habitur jo vetëm publikun, por edhe familjarët e tyre të cilët nuk ishin në dijeni.

Sipas burimeve pranë tyre, ky vendim ka zhgënjyer si Mbretëreshën Elizabeth, ashtu edhe William-in dhe Kate-in.

“Qëllimi ynë është të bëhemi “pjesëtarë të moshuar” të familjes mbretërore dhe të punojmë për t’u bërë financiarisht të pavarur, ndërkohë që do të vazhdojmë të mbështesim plotësisht Mbretëreshën. Me inkurajimin tuaj, veçanërisht viteve të fundit, ndihemi të përgatitur për të bërë këtë ndryshim. Ne po planifikojmë të menaxhojmë kohën tonë mes Mbretërisë së Bashkuar dhe Amerikës së Veriut, duke vazhduar të respektojmë detyrimin tonë ndaj mbretëreshës dhe mirëqenies së përbashkët.”- është shprehur çifti.

Ndërkohë, pas këtij vendimi ka reaguar edhe babai i Meghan Markle, i cili dihet se prej kohësh nuk ka raporte të mira me të bijën.

Për “Us Weekly” ai ka treguar se është i zhgënjyer nga ky veprim, por s’ka preferuar të flasë më shumë.

“Dua të them vetëm që jam i zhgënjyer”- ka thënë babai i dukeshës, i cili ka një vit që nuk flet me të bijën.