Era Istrefi surprizon fansat në ditë izolmi: Të dhimbshme, por të bukura (VIDEO)

Ndonëse për një periudhë të gjatë, Era Istrefi u shkëput nga muzika për shkak të disa çështjeve ligjore siç ka treguar ajo, duket se ka vendosur të rikthehet me anë të një ‘cover-i’ nga Frank Ocean.

“Ditët në karantinë më kanë rezultuar të këndoj këngë kryesisht të dhimbshme, por të bukura. Edhe e dhimbshmja është pjesë e bukurisë. Fansat e mi të parë e dine se Frank Ocean ka qenë inspirimi im që prej fillimit. Shpresoj ta shijoni këtë”, ka shkruar Istrefi krah videos së fundit të ndarë në rrjetet sociale.

Ndjekësit e Erës duhet të jenë shumë të lumtur për rikthimin e saj në muzikë, ndërsa kujtojmë se disa kohë më parë ajo ka treguar se ka punuar shumë projekte të reja muzikore, të cilat mezi pret t’i ndajë me të gjithë.