E sëmurë prej ditësh, Bebe Rexha zbulon dëshirën më të madhe për momentin

Kohët e fundit, këngëtarja shqiptare Bebe Rexha ka patur probleme shëndetësore.

Në llogarinë e saj në Instagram, ajo ka publikuar foto dhe video, nëpërmjet të cilave u ka treguar fansave gjendjen aktuale.

Bebe vuan nga sinoziti, i cili i ka shkaktuar një infeksion që nuk po e lë të qetë.

Në një nga videot e publikuara, ajo shkruante: “Infeksioni i sinozitit, i cili nuk mbaron kurrë”.

E lodhur dhe me rrathë të zinj poshtë syve, ajo zbuloi dëshirën që ka në këto momente të vështira: “Dua mamin”.

Nga videot e publikuara duken edhe hematomat (hematoma është i enëve të gjakut, të cilat gjenden nën sipërfaqe të lëkurës. Nëse këta kapilarë dëmtohen, një sasi e vogël gjaku rrjedh dhe krijohen njolla në ngjyrë të kaltër, të zezë, ose vjollcë).

Pavarësisht gjendjes, nuk ka munguar edhe një koment nga ana e saj në lidhje me shpërthimin në Bejrut dhe me pandeminë e koronavirusit. Ajo shkruajti: “ Jam ende mirënjohëse për këtë jetë të mrekullueshme që zoti më dha. Lutem për të gjithë njerëzit në Bejrut dhe në Shtetet e Bashkuara dhe në të gjithë botën, që janë të sëmurë dhe po vuajnë. Shumë dashuri dhe lutje dhe energji pozitive për të gjithë ju. Ju dua!”