E fejuara e Paulo Dibalës, Oriana Sabatini po kalon një moment tepër të vështirë në jetën e saj. Ajo ka njoftuar nëpërmjet një postimi në rrjetet sociale se i është nënshtruar sërish testit për koronavirusin dhe ka rezultuar sërish pozitiv, ndonëse 3 ditë më parë kishte rezultuar negative.
“Bëra tamponin sërish dhe rezultoi se isha pozitive, ndërkohë që tre ditë më parë kisha rezultuar negative. Nuk e di të them nëse më është kthyer sërish virusi, apo ai test negative i pak ditëve më parë, ishte i rremë. Kjo shpjegon se sa pak dimë për këtë virus”, shkroi Oriana.
Më pas e fejuara e sulmuesit të Juventusit siguroi fansat se të dy nuk kanë simptoma nga sëmundja dhe janë në gjendje shumë të mirë shëndetësore, ndërsa përsëriti edhe thirrjen për të qëndruar brenda.
“Lajmi i mirë është që si unë, ashtu edhe Paulo, tani jemi asimptomatikë dhe në gjendje shumë të mirë shëndetësore. Gjithsesi po vazhdojmë të rrimë në shtëpi, tani me dyshimin se 15 ditë nuk mjaftojnë për t’i shpëtuar këtij virusi.
Nuk dua të alarmoj askënd, por virusi “fluturon” nëpër botë dhe shpresoj që eksperienca ime të ndihmojë sadopak. Vijoni të qëndroni në shtëpi dhe të respektoni këshillat e autoriteteve”, tha ndër të tjera e fejuara e Dybalës.
Pas mandatimit si kryeministër, Edi Rama do t’i dërgojë Presidentit Bajram Begajt edhe dekretet e ministrave të rinj, të cilët…
Një 55-vjeçar është arrestuar në flagrancë nga Policia Rrugore e Durrësit, pasi u kap duke drejtuar automjetin në gjendje të…
Modelja e njohur Adrola Dushi, është në një lidhje me reperin Capital T. Ajo, ka zgjedhur të provokojë ndjekësit me…
Aksioni i prishjes së bujtinave në Valbonë ka vijuar sërish sot me ndërhyrjen e IKMT dhe forcave të rendit, duke…
Të martën e 16 shtatorit, Presidenca Daneze e BE-se fton Shqipërinë që në praninë e Ministrave të Jashtëm të të…
Në tremujorin e dytë të këtij viti, numri i të punësuarve në administratë dhe sektorin publik arriti në 186 mijë…