Dua Lipa poston videon ku flet shqip dhe na shkriu zemrat (VIDEO)

Ajo është një nga artistet më të njohura të momentin dhe gjithashtu një nga shqiptaret që na ka bërë më së shumti krenarë me arritjet e saj.

Dua Lipa po ngjit çdo ditë shkallë më të larta, teksa pavarësisht të gjithave nuk e ka harruar origjinën e saj dhe këtë na e ka treguar shpesh.

Së fundmi, një person shumë i afërt i saj feston ditëlindjen dhe këngëtarja me famë botërore ka zgjidhur ta urojë me një video nga fëmijëria.

Në videon e postuar në Instagram dëgjohet teksa flitet shqip dhe Dua e vogël thotë ‘Natën e mirë‘, kurse personi që regjistron videon “T’i shoh thonjtë, ç’ka jeni tu bo? A të mira bonbonet?”

Këtë verë, shqiptarja u kritikua jo pak pasi u përfshi në debatin e famshëm të vendosjes së Kosovës në hartën e Apple dhe më pas pushtoi mediat me postimin e flamurit autokton shqiptar.

Mediat serbe nisën menjëherë artikujt kundër këngëtares shqiptare, madje duke i ndryshuar edhe emrin me qëllim fyerje, duke e quajtur Dui Lipi. Këngëtare të shumta serbe publikuan reagime kundër Duas, duke deklaruar se “këngëtarja shqiptare po nxiste urrejtje” apo se “vetë Dua e di shumë mirë që Kosova është zemra e Serbisë”.

Kishte edhe komente nga artiste serbe që i kërkonin Duas që të mos fliste për Kosovën e pavarur për shkak se nxiste urrejtje pasi “Kosova nuk do të jetë kurrë e pavarur, por gjithnjë pjesë e Serbisë”.

Po nëpërmjet një postimi në Instagram, Dua sqaroi se publikimi i hartës nuk kishte për qëllim të nxiste urrejtje. Vetë Dua pranon se publikimi i hartës së “Shqipërisë së Madhe” ishte emocional dhe i ndikuar nga fakti që përballet çdo ditë me rezistencën për të promovuar një kulturë autentike kosovare.

Një gjë është e sigurtë, sado lart të ngjitet Dua Lipa nuk i harron asnjëherë rrënjët e saj./iconstyle