“Bëjmë filma dhe fëmijë”, Arbana shoqëron Eduartin edhe në ditët e fundit të shtatzënisë (FOTO LAJM)

Ndonëse është në javët e fundit të pritjes së ëmbël, kjo nuk e ka penguar moderatoren Arbana Osmani të udhëtojë në vende të ndryshme apo të shoqërojë partnerin e saj në projektet e tij kinematografike. Së fundmi ajo ka ndarë një foto me Eduartin gjatë xhirimeve të një projekti, duke zbuluar se ai është duke punuar për një film të ri.

“Duke bërë filma dhe fëmijë. Gjatë xhirimeve të ‘Sofia’ film i drejtuar nga artisti im i preferuar @eduartgrishaj. I uroj atij dhe të gjithë skuadrës shumë fat”, ka shkruar Osmani në postimin e fundit në rrjetet sociale duke marrë mënjherë vëmendjen e të gjtihë ndjekësve.

Kujtojmë se pas ardhjes në jetë të fëmijës së dytë, Arbana do të rikthehet në ekran me sezonin e ri të ‘Dua të të bëj të lumtur’, pasi përgatitjet me historitë e para të mbërritura në redaksi kanë nisur prej disa ditësh.