Bashëshorti rrezikon burgun, Angela Martini “thur” plane si të fitojë para në të ardhmen (FOTO LAJM)

Modelja e njohur Anxhela Martinisë fundmi ka marrë një vendim të rëndësishëm lidhur me karrierën e saj.

Jeta e bukuroshes shqiptare u trazua pas maresës së saj. Ashtu sikundër është folur dhe më herët në media, bashkëshorti i modeles Martini është në kërkim, pasi akuzohet nga gjykata Rumune se është përfshirë në një grup kriminal, që i ka shkaktuar shtetit një dëm me vlerë 114 milionë euro. Siç raportohet nga uebet rumune, bashkëshorti i Martinit ka mundur të sigurojë ilegalisht disa toka që gjendeshin nën pronësinë e një të moshuari, Ivonne Aline Buzescu-Movila.

Prej kohësh, martesa e modeles Angela Martini dhe miliarderit rumun, Dragos Savulescu, ka qenë në qendër të vëmendjes së medieve pas thashethemeve se çifti i kishte dhënë fund martesës së tyre.

Në këtë situatë të vështirë, Anxhela ka menduar të tjera mënyra për të fituar para, gjithmonë sipas këshillave të partnerit miliarder, i cili është një producent filmash.

Karriera e saj nisi si modele, ndërsa sot është autore e librit të saj të parë “Dashuri, Shpresë, Dritë”. Së fundmi, ajo ka qenë e ftuar në kanalin e njohur amerikan “KTLA 5”, për të folur mbi librin e saj dhe planet e së ardhmes.

Ajo foli edhe për Shqipërinë, që e quan një vend të bukur dhe tregon se është mjaft e dashuruar me të. Më pas, Anxhela zbuloi fillimet e saj të karrierës si modele.

Ndër të tjera, ajo ka zbuluar edhe disa nga planet që ka për të ardhmen, nga të cilat pret të fitojë para.

“Do të merrem me prodhimin e filmave të shkurtër dhe një dokumentar që do të dalë së shpejti. Shpresojmë që do të dalin në NETFLIX. Për dokumentarin nuk mund të flas, ndërsa filmi i shkurtër flet për sumerët që janë ndërqytetërimet e para”, zbuloi ish-modelja, e cila direkt pas martesës me miliarderin vendosi të hiqte dorë nga karriera si modele, pasi ai i premtoi një martesë të lumtur pa e vrarë mendjen për paratë, vetëm për qejfin.

Por siç dihet, në këtë jetë asgjë s’është e sigurt. Kështu që, Angela po mendon si t’i bëjë paratë vetë, tani që bashkëshorti është përballur me sekustrot dhe rrezikun për t’u burgosur.