Zhvillimi i trurit po shkatërrohet nga mënyra si prindërit po i rrisin fëmijët

Ekspertët thonë se stilet moderne të rritjes së fëmijëve janë duke u shkaktuar fëmijëve shumë probleme mendore.

Sipas psikologëve, ja çfarë ka shkuar gabim gjatë viteve të fundit.

Sipas Dr. Peter Gray, sasia e kohës të cilën fëmijët e shpenzojnë në kohë të lirë është zvogëluar dukshëm në dekadat e fundit. Fëmijët sot shpeshherë debatojnë me prindërit për lirinë e tyre.

“Ne mund të mendojmë se jemi duke i mbrojtur, por faktikisht jemi duke ua zvogëluar kënaqësinë, ndjenjën e tyre të vet-kontrollit dhe jemi duke i parandaluar të zbulojnë dhe eksplorojnë gjëra të cilat atyre u pëlqejnë. Njëkohësisht jemi duke i rritur mundësitë e tyre të vuajnë nga ankthi, depresioni dhe çrregullimet tjera”, thotë Gray.

Fëmijët e sotëm shpenzojnë mesatarisht 44.5 orë para ekraneve në javë. Por kjo nuk është se ata janë dembelë, por thjeshtë se prindërit i shfrytëzojnë ekranet – si televizori e celularët – si mënyrë për t’i qetësuar ata.

Normalisht dhënia e celularit fëmijës për të luajtur është mënyrë më e lehtë për ta qetësuar sesa të dilni të ecni me fëmijën, por kjo vetëm sa po dëmton fëmijët tuaj.