Gabimet pa dashje me rrjetet sociale, 8 gjërat që nuk duhen postuar asnjëherë

Shumë njerëz i kanë kthyer rrjetet sociale në dritare komunikimi, por edhe informimi. Por, asnjëherë nuk kanë menduar se gabojnë në shumë raste dhe më pas bien viktima të personave me precedentë të ndryshëm penalë.

Është e rëndësishme të shikoni se çfarë postoni në rrjetet sociale. Këto postime mund të rrezikojnë punën tuaj, marrëdhëniet tuaja dhe identitetin tuaj.

Ja çfarë nuk duhet të postoni:

Së pari, biletat e udhëtimit. Postimi i tyre është diçka vërtet e rrezikshme, pasi hakerët mund të gjejnë numrin e telefonit, datën e lindjes, madje edhe të dhënat e pasaportës. Bazuar në numrin tuaj të rezervimit, kriminelët mund të zbulojnë edhe kur largoheni dhe ktheheni.

Së dyti, paratë. Të postuarit online të fotove të kartave të kreditit do të thotë ta kërkosh vetë problemin. Mos u habisni nëse u boshatiset llogaria.

Së treti biletat e lotarisë. Kriminelët mund të përsërisin barcode të skanueshëm dhe të vjedhin fitimet tuaja.

Së katërti, emailet e punës. Është një rregull i mirë për të mbajtur punën jashtë mediave sociale, veçanërisht kur bëhet fjalë për dokumentet konfidenciale. Nëse kompania juaj ka dërguar një email emocionues për një ide të re zhvillimi gjëja e fundit që dëshironi të bëni është ta dijë konkurrenca.

Së pesti, certifikata. Postimi i informacionit identifikues në mediat sociale është e barabartë me humbjen e tij ose dhënien e saj.

Së gjashti, postimi i fotove të fëmijëve. Postimi i fotove të fytyrave të qeshura të fëmijëve mund të duket mjaft i pafajshëm, por është mirë të mendoni dy herë përpara se të shpërndani fotot e të miturve në shoqëri.

Së shtati, kujtime nga një natë ku jeni dehur. Si rregull, ju kurrë nuk duhet të postoni ndonjë gjë në internet që ju nuk dëshironi ta shohë një punëdhënës potencial.

Së teti, karikatura politike. Në një klimë gjithnjë e më të ngarkuar politikisht, ka më shumë postime politike dhe karikatura në mediat sociale se kurrë. Ndërsa është e lehtë për të goditur butonin “share” në një karikaturë, kjo mund t’ju kushtojë punën juaj.