SHKUP/ Filloi ndërtimi i spitalit të ri për përballimin e koronavirusit

Në sfond ndodhet lokacioni ku është hedhur pllaka për ndërtimin e dytë të spitalit mobil në hapësirat e Spitalit Shtetëror, lokacion i cili ndodhet pranë Klinikës së Pulmologjisë.

Spitale të tilla mobile do të ndërtohen në 16 komuna, si parapërgatitje për valën e dytë të mundshme të virusit COVID-19 që mund të godasë vendin në fillim të vjeshtës”.

Punëtorët në terren po bënin përgatitjet e nevojshme për instalimin e energjisë elektrike. Nga ministria e Shëndetësisë thonë se objekti në fjalë montohet për t’u ofruar shërbim pacientëve me sëmundje të frymëmarrjes.

“Nga fundi i javës do të nisë vendosja e kabinave, montimi i të cilave duhet të përfundojë deri më 20 korrik. Planifikohet që deri nga mesi i gushti objekti të jetë gati. E gjithë hapësira do të jetë e dizajnuar si brenda dhe jashtë, në mënyrë të tillë që të mos ketë pengesa dhe për personat që përdorin mjete ndihmëse dhe persona me aftësi të kufizuara, për të cilët janë paraparë tualete speciale në përputhje me standardet”, thonë nga Ministria e Shëndetësisë.

Në spitalin e montuar pranë Klinikës Infektive nuk ka asnjë pacientë të shtrirë, pasi siç informojnë nga dikasteri i shëndetësisë, sistemi i centralizuar i oksigjenit është instaluar, mirëpo ende ka kapacitete të mjaftueshme në klinikë.