Shkëndija ka barazuar 3:3 në ndeshjen ndaj skuadrës daneze të Randers, njofton “infOSport.mk”.
Ishte kjo ndeshja e tretë për “kuqezinjtë” në kuadër të përgatitjeve në Antalia të Turqisë, aty ku skuadra tashmë po përgatitet nga data 24 janar.
None found
Ndeshja nuk nisi mirë për Shkëndijën, pasi një gabim i portierit Zahov i mundësoi futbollistit kundërshtarë Riis të kalojë në epërsi Randersin që në minutën e 3-të. Nuk vonoi shumë dhe Valon Ahmedi u gjind i vetëm para portierit kundërshtarë, i cili e fauloi brenda zonës, ndërsa arbitri kryesor tregoi në pikën e bardhë. I saktë doli të jetë Agim Ibraimi, i cili në minutën e 7-të barazoi shifrat në 1:1.
Minuta e 28-të solli edhe golin e dytë për ekipin danez, të cilët shënuan me anë të Kamara, i cili mjaft mirë shfrytëzoi një harkim nga e djathta dhe nga brendia e zonës me një goditje precize edhe për herë të dytë arriti që të mposhtë portierin Zahov.
Me këtë gol u mbyll edhe pjesa e parë, ndërsa një eurgol i Kehinde në minutën e 60-të bëri që Randers të avansojë edhe me shifrat 3:1.
Megjithatë edhe përkundër këtij disavantazhi, të besuarit e trajnerit Ernest Gjoka nuk u dorëzuan, dhe në një interval kohor prej vetëm 6 minutash arritën që të barazojnë rezultatin.
Ishte Besart Ibraimi ai i cili në minutën e 72-të shfrytëzoi një devijim të portierit kundërshtarë dhe nga afërsia ngushtoi epërsinë e Randers në 2:3, teksa një super gol i Agim Ibraimit nga gjuajtja e lirë në minutën e 78-të i siguroi barazimin Shkëndijës.
Për “kuqezinjtë” nga Tetova ishte ky barazimi i dytë në tokën turke, pas atij pa gola ndaj skuadrës çeke të MKF Karvina, ndërsa në ndeshjen e parë kishin shënuar fitore 3:2 ndaj sllovakëve të Sered.
Ndeshjen e rradhës dhe të fundit në kuadër të përgatitjeve në Turqi, Shkëndija do ta zhvillojë me 7 shkurt kundër skuadrës së Slovan Liberec nga Republika Çeke.
Rreth orës 08:00 të mëngjesit, është pranuar një informatë për një mjet shpërthyes në Stacionin e Autobusëve në Prishtinë. Lajmin e…
Një sondazh i organizuar nga grupi mediatik “Panorama Group” synoi të masë mbështetjen e qytetarëve për emrin që ata do…
Qiproja është tronditur nga një ngjarje e rëndë e ndodhur në orët e para të mëngjesit të sotëm.Një efektiv policie…
Astrologia e njohur Meri Shehu, teksa ishte e ftuar në emisionin “Rudina”, më 29 korrik, bën të ditur parashikimin e…
Pesë ditë pasi Venezuela u godit nga tërmete shkatërruese, ekipet e kërkim-shpëtimit vazhdojnë punën në shtetin La Guaira, ndërsa mijëra…
“Donald Trump, kërcënim për Amerikën!”. Kështu deklaronte në qershor të vitit 2019 kryeministri Edi Rama, ndërsa sot del blof me…