Maqedonia e Veriut gati për votime, sa dhe si do të votojnë qytetarët e infektuar me koronavirus

Zgjedhjet parlamentare në Maqedoninë e Veriut kanë nisur sot, ndërsa do të zgjasin për 3 ditë me radhë. Është parashikuar që edhe personat e infektuar m,e Covid-19 që nuk është një numër i vogël në fakt në shtetin fqinj, të votojnë pavarësisht se ndodhen në vetëizolim.

Në masa të përcaktuara në protokollin e autoriteteve shëndetësore në vend, këta persona do të kenë mundësinë të paraqiten pranë qendrave të votimit për të shprehur vullnetin e tyre për qeverinë e radhës.

Nga 770 kërkesa që janë paraqitur për të votuar, ditën e sotme do të lejohen të votojnë 716 persona, ndërkohë që nesër, do të hedhin zgjedhjen e tyre në kuti 8852 qytetarë që janë të sëmurë kronik dhe rrezikohen nga koronavirusi.

Në ditën vijuese, përkatësisht të mërkurën e ardhshme, është raundi final kur pjesa tjetër e popullsisë së Maqedonisë së Veriut do votojë për qeverinë e ardhshme.

Ndërkohë, vlen të theksohet se për herë të parë në historinë e vendit, nga BDI e Ali Ahmetit është shpallur kandidati shqiptar për kryeministër, ndërsa partitë shqiptare edhe në këto zgjedhje nuk janë të unifikuara.

Përderisa partitë Maqedonase që marrin edhe shumicën e votive janë të ndara në bindjet e tyre politike dhe se koalicioni mes tyre është praktikisht i pamundur, shqiptarët kanë luajtur pothuajse gjithmonë rol vendimtar në formimin e qeverive, por këtë radhë, shpallja e kandidatit për kryeministër nga BDI do të thotë se vendi mund të përballet men një tjetër ngërç politik pasi asnjëra palë nuk pritet të sigurojë votat për ta formuar e vetme qeverinë.

Fushata e elektorale në vendin fqinj ka qenë e qetë na rrafshin e tubimeve pasi kanë qenë të reduktuara dhe me protokoll sigurie, ndërsa politika zien nga përgjimet e fundit që kanë dalë nga telefoni i ish-kryeministrit Zoran Zaev ku dëgjohet të denigrojë shqiptarët, por edhe të kritikojë perëndimorët.