Studimet tregojnë cilësitë: Një gotë qumësht në darkë dhe harrojini shqetësimet

Qumështi është një burim i shkëlqyeshëm vlerash ushqimore, është i shëndetshëm për kockat tuaja dhe ka edhe më shumë përfitime nëse e pini para se të flini. Për shembull, mund t’ju ndihmojë të flini gjumë më shpejt, të qetë pa u zgjuar në mes të natës dhe madje të rrisni humbjen e peshës!

Qumështi ka përbërës që mund të përmirësojnë cilësinë tuaj të gjumit.

Disa studime mbi njerëz dhe kafshë kanë treguar se pirja e qumështit mund të çojë në një gjumë më të mirë. Qumështi përmban triptofan dhe melatonin, të cilat mund t’ju ndihmojnë të bini në gjumë më lehtë dhe më shpejt. Tryptofani luan një rol të rëndësishëm në prodhimin e serotoninës, e cila mund t’ju ndihmojë të relaksoheni. Melatonina ndihmon në rregullimin e ritmit tuaj cirkadian dhe ju përgatit për gjumë.

Qumështi është një burim proteinash; Nëse nuk keni ngrënë darkë dhe ju kap uria në mes të natës bëni mirë të pini një gotë qumësht që mos të shëndosheni.

Në një farë mase, pirja e qumështit para gjumit mund t’ju ndihmojë të flini gjumë sepse bëhet një ritual natën që ju ndihmon të relaksoheni dhe të përgatiteni për të shkuar në shtrat. Një teori tjetër është se qumështi i ngrohtë mund t’ju kujtojë fëmijërinë gjë që mund të sjellë përsëri kujtime të mira dhe të ketë një efekt qetësues.

Qumështi përmban proteina të quajtura kazeinë dhe hirrë. Disa studime kanë treguar se konsumimi i kazeinës dhe proteinave të hirrës në mbrëmje mund të rrisë sintezën e proteinave të muskujve brenda natës.