Pse nuk duhet të këndoni me zë të lartë gjatë pandemisë

Të kënduarit të bën të ndihesh mirë, apo jo? Të kënduarit konsiderohet të jetë një anti-depresiv natyral, ndihmon në përmirësimin e humorit dhe zvogëlimin e stresit. Hulumtimet kanë treguar se të kënduarit shkakton çlirimin e endorfinës, kimikateve të trurit dhe ju bën të ndiheni të lumtur. Por nuk është ide e mirë të këndosh një këngë me zë të lartë gjatë pandemisë COVID-19 ose të shoqërohesh me miqtë gjatë kësaj kohe.

Një studim i botuar së fundmi në revistën Aerosol Science and Technology paralajmëroi se të kënduarit, veçanërisht këndim me zë të lartë mund të rrisë përhapjen e Covid-19

Kjo pasi kur këndojmë, ne lëshojmë shumë grimca aerosoli në ajër. Nëse ai që këndon është i infektuar me koronavirus, këto grimca aerosoli mund të kontribuojnë në përhapjen e koronavirusit.

Në studimin e ri, studiuesit nga Universiteti Lund (LU) në Suedi u përpoqën të zbulonin se sa grimca aerosoli dhe spërkla nxjerrim kur këndojmë.

Shkronjat B dhe P janë shpërndarësit më të mëdhenj të aerosolit.

Për studimin, ata rekrutuan 12 këngëtarë të shëndetshëm dhe dy persona me COVID-19 të konfirmuar. Shtatë nga pjesëmarrësit ishin këngëtarë profesionistë të operës.

Gjatë provave të këngës, u zbulua se sa më e zhurmshme dhe më e fuqishme ishte kënga, aq më i madh ishte përqendrimi i aerosoleve dhe pikave.

Pacientët COVID-19 mund të përhapin infeksion kur këndojnë

Ekipi gjithashtu kreu matje të virusit në ajër kur dy personat me COVID-19 kënduan.

Studiuesit vunë në dukje se aerosolet e pacientëve me Covid-19, mund të sjellin një rrezik infeksioni kur këndojnë. Kjo sepse ngarkesa virale mund të ndryshojë në pjesë të ndryshme të rrugëve të frymëmarrjes dhe midis njerëzve të ndryshëm.

Në këtë studim, edhe një maskë e thjeshtë për fytyrën ndihmoi në bllokimin e shumicës së aerosoleve dhe pikave të lëshuara nga këngëtarët. Kur këngëtarët vendosën një maskë të thjeshtë për fytyrën, nivelet e aerosoleve dhe pikave u zvogëluan në një masë të madhe.

“Kjo nuk do të thotë që dikush duhet të heqë dorë nga të kënduarit gjatë pandemisë, por duhet të bëhet me masat e duhura për të zvogëluar rrezikun e përhapjes së infeksionit”, kanë theksuar studiuesit e Universitetit Lund.