Çdo njeri që ka punuar në sektorin e shërbimeve ka të paktën një histori të çuditshme për të treguar. Komediania Isabel Zaw-Tun filloi një ndarje masive të këtyre historive, kur pyeti ndjekësit e saj në Twitter: “Cila është kërkesa më e çuditshme që ju ka bërë një klient?”
Ajo i inkurajoi ata, duke filluar vetë e para atë që do të bëhej një trend viral.
“Po filloj unë e para. Një grua më kërkoi një herë që ta merrja me makinën time pas procedurës së saj të botoksit dhe ta çoja për të bërë shopping. Ajo që është më për të qeshur, gruaja priste që unë të isha shumë e gëzuar nga oferta dhe u habit kur i thashë jo.”
Përdoruesit e Twitter vazhduan linjën e nisur prej saj.
Një prej tyre tha: “ Kisha një kliente që vinte dy herë në javë në lokal dhe porosiste një latte të vakët me një lugë ekspres të dekafeinizuar, dy lugë sheqer dhe tre kuba akulli. Çdo herë pasi e merrte pijen ankohej se ishte shumë e nxehtë.”
Një tjetër ndau: “ Kur punoja te një librari për fëmijë erdhi një mama, fëmija e së cilës kishte një projekt shkolle për dinozaurët. Klientja nuk mund ta besonte se nuk kishim asnjë libër me foto reale të dinozaurëve.”
“Një klient kërkonte të kthente një gjel deti gjysmë të konsumuar duke thënë se ishte shumë i thatë dhe kërkonte paratë mbrapsht.” –tha një tjetër.
Disa prej mesazheve më të famshme ishin këto:
“Një kliente bleu kristale shumë të vogla dekoruese me vlerë 1200 dollarë. Më bëri të mbështillja secilën copë veçmas. Pastaj t’i çmbështillja, pasi besonte se i kisha paketuar dhe kartën e kreditit me to. Kartën më vonë e gjeti në portofol, në makinë.”
“Po punoja në kampusin e universitetit, kur një zonjë më telefonoi dhe më kërkoi që t’i ktheja vazon që kishte lënë aty në 1967-ën.”
“Një grua më kërkoi një gotë kola dietike me një kub të vetëm akulli. Kubin e donte 1 cm fiks larg çdo cepi të gotës. “
Ujërat e Liqenit Artificial të Tiranës, që është pjesë e mushkërisë së vetme të gjelbër të qytetit ndoten në mënyrë…
Këtë të premte, përmes një postimi në llogarinë e tij në “Facebook”, kryeministri i vendit Edi Rama, ka shpërndarë foto-albumin…
Sot, më 12 shtator 2025, dollari amerikan, blihet me 82.2 lekë dhe shitet me 83.5 lekë. Euro, blihet me 96.6…
Këtë të premte, Kuvendi do të zhvillojë në orën 10:00 mbledhjen e parë të Legjislaturës XI, në zbatim të dekretit…
Në orët e para të mëngjesit të sotëm në orën 5.25, një aksident me vdekje ka ndodhur në autostradën Rrogozhinë-Lushnje,…
Aktualisht, Shqipëria vijon të ruajë një avantazh konkurrues për sa u përket çmimeve të një vakti të zakonshëm në restorant.…