Duart larg nga celulari i partnerit, do t’i shkaktoni probleme psikologjike

Studimet tregojnë se 34% e grave dhe 62% e burrave kontrollojnë herë pas here celularin e partnerit të tyre. Dhe arsyeja për këtë veprim nuk është vetëm xhelozia. Mund të ketë disa motive psikologjike më të thella që mund të shtyjnë gjysmën tuaj të bëjë këtë veprim.

Partneri juaj mund të ketë vetëvlerësim të ulët: nëse ju bëni një veprim të tillë ai mund të mos ndihet i vlerësuar pikërisht për faktin se ju jeni duke e kontrolluar herë pas here. Në shumicën e rasteve, kur dikush shikon mesazhe të partnerit të tyre, ata shqetësohen se nuk janë të mjaftueshëm, dhe ndiejnë nevojën për tu vlerësuar.

Në një marrëdhënie të shëndetshme, të dy partnerët i besojnë njëri-tjetrit pa kushte dhe respektojnë të drejtat e njëri-tjetrit për intimitetin, hapësirën personale. Por nëse njëri prej tyre ndjen një kërkesë të fortë për të kontrolluar, kjo mund të jetë arsyeja për të vënë në dyshim seriozisht marrëdhënien.

Ndoshta partneri juaj thjesht nuk është i sigurt se po shkoni në drejtimin e duhur. Ose mbase nuk kanë vendosur ende nëse duan të jenë me ju apo jo. Sido që të jetë, kontrolli i vazhdueshëm mund të tregojë se ju dhe partneri juaj keni vlera krejtësisht të ndryshme, dhe duhet të flisni për to sa më shpejt që të jetë e mundur.

Një kuriozitet ndaj jetës suaj personale mund të jetë vërtet një shenjë paralajmëruese për ju pasi të shihni mendime të fshehura të partnerit tuaj. Me fjalë të tjera, nëse një person dyshon se diçka e papërshtatshme do të ndodhë ose tashmë po ndodh, ky person mund të jetë ai që në të vërtetë po bën këto veprime të papërshtatshme.

Kontrolli i celularit gjithashtu mund të tregojë që partneri juaj ka probleme me komunikimin dhe probleme shumë të mëdha. Problemet janë lehtësisht të zgjidhshme nëse thjesht komunikoni nuk ka nevojë për kontrolle të tillë të cilat të bëjnë të humbasësh besimin akoma më shumë.