7 dhuratat më të çuditshme dhe të sikletshme që njerëzit kanë marrë për Shën Valentin

Jemi dakort: Shën Valentini është dita më romantike e vitit, por jo gjithmonë planet e surprizave shkojnë sipas parashikimit.

Duhet të përgatiteni, sepse ndodh të mos jetë gjithmonë ‘shtrat’ me lule. Mund të keni ëndërruar vaskën me ujë të ngrohtë, rrethuar nga drita e qirinjve, ndoshta dhe një tryezë të shtruar me pjata elegante, por kujdes, mund edhe të pësoni zhgënjim. Dhjetë persona të ndryshëm kanë treguar dhuratat më të çuditshme dhe njëkohësisht të sikletshme, që kanë marrë për 14 shkurtin.

1. Mish i prerë dhe i gatuar në formë zemre. “Dukej si akt kanibal”, ka shpjeguar ‘viktima’.

2. Pastrues dhëmbësh me mbishrkrimin “His & Hers” (i atij dhe asaj). Sado romantik të duket shkrimi, 14 shkurti nuk është dita ideale që të përqendrosh vëmendjen tek higjiena orale.

3. Letër higjienike me fraza romantike të dedikuara për partnerin… Le të themi se ky është një nivel krejt tjetër!

4. Sado i ëmbël të duket si gjest, një djalë nga SHBA ka një lutje për të gjitha vajzat: KURRË mos dërgoni një bandë muzikore në vendin ku punon partneri, për të luajtur enkas për këtë të fundit. Sikleti para kolegëve do të jetë më i madh se sa kënaqësia e ‘dhuratës’.

5. Nëse po mendoni t’i dhuroni partneres të brendshme seksi, sigurohuni të zgjidhni masën e saj dhe jo të një rinoceronti. As nuk do të shijoni pamjen e pretenduar, as nuk do t’i shpëtoni krizës nervore me temë: “Ah, domethënë kaq e shëndoshë të dukem?!”

6. Ka dhe nga ato raste që si dhuratë paketojnë një tost. Nëse e keni ndërmend, kujtohuni që këtë mund t’ia dhuroni prindërve në përvjetor martese, jo partnerit apo partneres.

7. Dhe dhurata më e keqe është…të mos bësh fare dhuratë. Prandaj, nëse ende nuk e keni ndarë mendjen, bëni mirë t’i mbyllni blerjet tani!