A shtohet rreziku për koronavirus duke përdorur ilaçe kundër tensionit të lartë?

Bazuar në gjetjet e tre studimeve të botuara në revistën ‘New England Journal of Medicine’, përdorimi i barnave kundër tensionit të lartë të gjakut nuk rritin rrezikun nga COVID-19.

Gjetjet e studimit duhet të qetësojnë miliona njerëz në mbarë botën që përdorin rregullisht ilaçe për rregullimin e presionit të gjakut.

Subjekti i studimit ishin dy grupe të barnave që përdoren gjithashtu nga diabetikët, ilaçe, emri i të cilave përfundon në “pril”.

Dëmi nga këto barna, në lidhje me COVID-19, është ngritur pas studimeve të kafshëve që kanë treguar se ekziston rreziku që molekulat në trup të rrisin sasinë e proteinës ACE2 te njerëzit që paraqet ‘derën e hyrjes’ për koronavirusin e ri.

Shkencëtarët kanë provuar të gjejnë një lidhje të mundshme midis marrjes së ilaçeve për presionin e gjakut dhe infeksionit koronaviris, por bazuar në të dhënat mjekësore, disa mijëra pacientë nuk kanë gjetur asnjë lidhje.

“Ne nuk gjetëm ndonjë ndryshim midis atyre që përdorin ato barna dhe njerëzve të tjerë,” tha Harmony Reynolds nga Shkolla e Mjekësisë në Universitetin e Nju Jorkut, i cili kreu një studim mbi 12.000 njerëz, transmeton AFP.