​Zbulohet prejardhja e kalciumit në kockat dhe dhëmbët tanë

Sipas një studimi të fundit, kalciumi në kockat dhe dhëmbët tanë vjen nga yje që shpërthejnë në supernova dhe shpërndanë këtë mineral në hapësirë në sasi të mëdha.

Gjysma e kalciumit të përgjithshëm në hapësirë vjen nga supernova. Por këto shpërthime janë, relativisht të folura, ngjarje shumë të rralla dhe astronomët nuk kanë pasur shumë mundësi të studiojnë rrjedhën e tyre dhe nivelet e formimit të kalciumit, shkruan CNN.

Dihej më parë se disa elementë të rëndë si ari dhe platini ishin formuar nga përplasjet ose shpërthimet e yjeve, por formimi i kalciumit ka qenë prej kohësh një mister.

Kjo ndryshoi kur në prill 2019, astronomi amator Joel Shepherd vëzhgoi një goditje të fuqishme, pasi ai përdori një teleskop për të vëzhguar galaktikën spirale Messier 100, e cila është 55 milionë vit drite larg.

Lajmet për një supernovë të mundshme shpejt u përhapën në bashkësinë shkencore, dhe shumë agjenci hapësinore dhe universitete drejtuan teleskopët e tyre drejt ngjarjes – të quajtur SN2019ehk.

Anomali hapësinore u vërejt nga Observatori Neil Gehrels Swift i NASA-s, Observatori Lick në Kaliforni dhe W.M. Keck në Hawaii. Shkencëtarët kështu patën mundësinë të vëzhgojnë supernovën 10 orë pas zbulimit të saj.

Astronomët kanë zbuluar se është një supernova e pasur me kalcium. Çdo yll zakonisht prodhon një sasi shumë të vogël të kalciumit gjatë djegies së heliumit. Sidoqoftë, kur ndodh një supernovë e pasur me kalcium, një sasi e madhe kalciumi lëshohet në hapësirë në vetëm disa sekonda.