Trondit gazetarja e njohur: Është mëkat të kërkosh zhdukjen e popullit kinez?

Një gazetare italiane është bërë virale për shkak të komentin të saj në Twitter për kinezët.

Gazetarja dhe moderatorja e njohur italiane, Rita Dalla Chiesa u shpreh:

“Kinë, nis festivali i mishit të qenit në Yulin: mijëra kafshë të masakruara. Një mizori e paimagjinueshme. Është mëkat vdekjeprurës të dëshirosh zhdukjen e popullit kinez?”.

Edhe pas stuhisë së reagimeve që ngjalli ky postim, gazetarja nuk u tërhoq nga e saja.

“Nuk kthej mbrapsht asnjë fjalë edhe pse e di që ka shumë aktivistë në Kinë që përpiqen ta evitojnë këtë gjenocid. Kjo gjë nuk mund të tolerohet më”, tha ajo për agjencinë e lajmeve Adnkronos.

Vullnetarët në një strehë qensh në Pekin sakaq po trajtojnë me dhjetëra kafshë të shpëtuara nga therja në festivalin e shumëdiskutuar. Eventi i përvitshëm në Yulin shkakton përherë zemërimin e aktivistëve të të drejtave të kafshëve, të cilët këtë vit kanë shpresuar që epidemia e koronavirusit të jetë fundi i një tradite që ata e shohin si mizore. Mishi i qenve tradicionalisht në disa pjesë të Kinës konsiderohet si i mirë për shëndetin