E RËNDË/ Policja ekzekuton 4 pjesëtarët e familjes dhe më pas i jep fund jetës

Të shtëna me armë kanë tronditur mesditën e sotme Gjilanin, ku deri më tani dyshohet të jenë pesë viktima.

Ngjarja ndodhi sot në lagjen ‘Bojanina’. Sipas Indeks online, personat që humbën jetën janë të së njëjtës familje.

Mësohet se vajza e familjes, e cila ishte police, fillisht ka qëlluar ndaj prindërve dhe vëllezërve të saj duke i lënë të vdekur në vend dhe më pas ka vrarë edhe veten.

Nga policia e Kosovës vetëm është konfirmuar se rasti është vrasje, por nuk janë bërë të ditura detajet.

Njoftimi i policisë
Prokuroria Themelore në Gjilan, Departamenti për Krime të Rënda, ju njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje.

Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje.

Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë. Rasti është duke u hetuar, ndërsa për detajet e tjera do të informoheni me kohë.