Skandali në Kakavijë në sy të Botës, “Le Figaro”: Mijëra shqiptarë të bllokuar në kufi me Greqinë

Mijëra shqiptarë që punojnë në Greqi u bllokuan të premten në kufirin midis dy vendeve, duke u përpjekur të kalonin para hyrjes në fuqi të detyrimit për karantine nga shteti helen.

Le Figaro e pershkruan keshtu gjendjen ne piken e kalimit kufitar me Greqine, ne Kakavije, ku kane mbetur ne nje radhe gati biblike, ne pritje deshperuese per te shkuar ne shtetit fqinj, ku jetojne e punojne.

Radha e rreth 4,000 veturave ka arritur mbi 20 kilometra, nderkohe qe sipas medias se huaj, ajo ka nisur pas njoftimi në fillim të kësaj jave për masat e reja greke lidhur me menaxhimin e situates nga koronavirusi.

Nga 16 gusht, Policia njoftoi se ne Greqi do te hyje nje maksimum prej 750 personash në ditë permes Kakavijes. Ata duhet të kenë një provë negative Covid-19, të realizuar 72 orë para ardhjes së tyre, dhe gjithashtu do izolohen për shtatë ditë. Këto rregulla të reja u dekretuan nga Greqia pas regjistrimit të rasteve te reja me koronavirus.

Shume prej shqiptareve kanë qenë duke pritur për tre ditë në kufi, i tha një zyrtar rajonal i policisë AFP-se, duke specifikuar se “ekipet e shëndetit grek (ishin duke punuar) me një staf të zvogëluar” dhe se posta kufitare ishte e mbyllur natën.

Sipas rregullave që janë ende në fuqi deri më 16 gusht, shqiptarët që hyjnë në Greqi testohen për Covid-19 në kufi.

Disa mijëra shqiptarë punojnë në Greqi, veçanërisht në sektorin e bujqësisë. Ata kthehen gjatë verës për të kaluar pushimet në vendin e tyre. Policia lëshoi ​​pamjet e efektiveve që shpërndanin shishe uji njerëzve qe presin ne vape perveluese. Ministria e Jashtme shqiptare tha në një deklaratë se autoritetet greke kishin ndërmarrë përshpejtimin e procedurës aktuale në kufi, nga 200 në 300 prova në orë.

Situata në lidhje me Covid-19 gjithashtu është përkeqësuar në Shqipëri ditët e fundit, me një numër rekord prej 154 infeksionesh ditën e enjte në një ditë. Gati 220 njerëz kanë vdekur nga Covid-19 që nga fillimi i epidemisë.